"La Toffana" é unha montaxe teatral inspirada na historia real de Giulia Toffana, unha controvertida muller que viviu a mediados do século XVII. Na Italia da época só había unha forma de liberarse dun matrimonio opresivo: enviuvar.
Giulia Toffana, chamada “a envelenadora de maridos”, decidiu axudar a outras mulleres con “matrimonios difíciles” a conseguir a súa liberdade. Creou un veleno indetectable: a “Aqua Toffana. Os “beneficios” da auga Toffana difundíronse rapidamente entre as mulleres. Giulia formou a súa filla e a súa axudante e creou unha rede de distribución que as levou ata a alta sociedade romana. Mantiveron o segredo durante anos ata que as delataron. Nai e filla foron xulgadas pola Inquisición en 1659 acusadas da morte de máis de 600 homes.